ჩხუბი რკინიგზასთან მიმდინარე აქციაზე – დაკავებულია ათამდე აქტივისტი [ვიდეო/ფოტო] - Netgazeti • აუდიტორია #115 • აქცია • დაპირისპირება • პოლიცია • საქართველოს რკინიგზა • Netgazeti.ge

მას შემდეგ, რაც პოლიციამ რკინიგზის შენობიდან დაკავებულები გამოიყვანა, სამართალდამცველებსა და აქტივისტებს შორის კვლავ ფიზიკური დაპირისპირება დაიწყო. შენობის მიმდებარე ტერიტორიაზე პოლიციამ დაახლოებით კიდევ 7 ადამიანი დააკავა – ჯამში, დაკავებულთა რიცხვი ათამდე გაიზარდა. ჩხუბისა და შეხლა-შემოხლის შედეგად დაზიანდნენ როგორც აქტივისტები, ასევე მედიის წარმომადგენლები, მათ შორის, ნეტგაზეთის რეპორტიორიც.

რკინიგზის შენობასთან ამ დრომდე რჩება საპროტესტო აქციის მოანწილეთა ნაწილი, მათ შორის, სტუდენტური გაერთიანება “აუდიტორია #115″–ის წევრები, რომელთა წევრებიც პოლიცამ დააკავა.

საპროტესტო აქციას გამოეხმაურა საქართველოს რკინიგზა, რომელიც აქციის მონაწილეებს კიდევ ერთხელ მოუწოდებს თანამშრომოლობისაკენ და კონსტრუქციულ მოკლაპარაკებების მაგიდასთან დასხდომისკენ.

რკინიგზის იურიდიული სამსხურის წარმომადგენელი, ნანა კლარჯეიშვილი აცვხადებს, რომ დღეს ესწრებოდა სასამართლო პროცესს, სადაც კარვის დადგმის საკითხი იხილებოდა და მოსამართლემ არ დააკმაყოფილა მოშიმშილეების მოთხოვნა. კლარჯეიშვილი ვარაუდობს, რომ მოსამართლის გადაწყვეტილება განპირობებული იყო იმით, რომ მოშიმშილეები არა კარვის, არამედ კარვების გაშლას ითხოვნდენ.

ამ ეტაპზე რკინიგზის შენობასთან სიტუაცია შედარებით დამშვიდდა, თუმცა აუდიტორია N115–ის წევრები და სამართალდამცველები შენობასთან რჩებიან, სადაც კვლავ ხალხმრავლობაა. აქტივისტები დაკავებული თანამებრძოლების მდგომარეობის შესახებ ელოდებიან ინფორმაციას.

ადგილზე ვითარება შეისწავლა საქართველოს სახალხო დამცველის აპარატის წარმომადგენელმაც. მისი განცხადებით, ომბუდმენი მოინახულებს თითოეულ დაკავებულს. მისი ინფორმაციით, ამ დროისათვის 8 ადამიანია გადაყვანილი პოლიციის განყოფილებაში.

გთავაზობთ დღევანდელი აქციის ამსახველ ფოტომასალას: