ნეტგაზეთი | იაპონიაში მიწისძვრის შედეგად დაშავებულთა რიცხვი 860-მდე გაიზარდა [ფოტო] იაპონიაში მიწისძვრის შედეგად დაშავებულთა რიცხვი 860-მდე გაიზარდა [ფოტო] – Netgazeti

იაპონიაში მიწისძვრის შედეგად დაშავებულთა რიცხვი 860-მდე გაიზარდა [ფოტო]

იაპონიის სამხრეთ ნაწილში ძლიერი მიწისძვრის შედეგად დაშავებულთა რიცხვი, BBC-ის ცნობით,  860-მდე  გაიზარდა, 9 ადამიანი კი კატასტროფის შედეგად გადრაიცვალა.

დაღუპულთა უმეტესობა, ეპიცენტრთან ახლოს, საცხოვრებელი შენობების ნგრევის შედეგად გარდაიცვალა 15.04 .2016 ფოტო:EPA/KIMIMASA MAYAMA

დაღუპულთა უმეტესობა, ეპიცენტრთან ახლოს, საცხოვრებელი შენობების ნგრევის შედეგად გარდაიცვალა 15.04
.2016 ფოტო:EPA/KIMIMASA MAYAMA

მიწისძვრა გვიან ღამით მოხდა, როცა მოსახლეობის უმეტესობა სახლში იმყოფებოდა. დაღუპულთა დიდი ნაწილი მიწისძვრის ეპიცენტრთან ახლოს მდებარე საცხოვრებელი კორპუსის ჩამონგრევის შედეგად გარდაიცვალა. კატასტროფის გამო 20-მდე საცხოვრებლი შენობა განადგურდა. BBC წერს, რომ დიდია რისკი, დაშავებულთა დიდი ნაწილი კვლავ ნანგრევებს ქვეშ იყოს მოხვედრილი. კუნძულზე სამხედრო და სამაშველო სამსახურებია მობილიზებული. ყველაზე ძლიერი მიწისძვრის შემდეგ, რომლის სიმძლავრემაც რიხტერის სკალაზე 6,2 მაგნიტუდას მიაღწია, 130-მდე შედარებით სუსტი რყევა დაფიქსირდა, რაც სამაშველო სამუშაოებს აფერხებს.

იაპონიის სამხრეთით მომხდარი მიწისძვრის შედეგად დაშავებულებს სამაშველო სამსახურები ეძებენ 15.04.2015 ფოტო: EPA/KIMIMASA MAYAMA

იაპონიის სამხრეთით მომხდარი მიწისძვრის შედეგად დაშავებულებს სამაშველო სამსახურები ეძებენ 15.04.2015 ფოტო: EPA/KIMIMASA MAYAMA

ბუნებრივი კატასტროფის გამო 40,000-მდე ადამიანს მოუწია საცხოვრებელი ადგილის დატოვება. მათმა ნაწილმა ღამე ღია ცის ქვეშ გაათენა. ზოგი მათგანი, ბიძგების განმეორების რისკის მიუხედავად, სახლებში ბრუნდება.

იაპონიაში ძლიერი მიწისძვრის შედეგად უამრავი ადამიანი საცხოვრებლის გარეშე დარჩა 15.04.2016 ფოტო: EPA/KIMIMASA MAYAMA

იაპონიაში ძლიერი მიწისძვრის შედეგად უამრავი ადამიანი საცხოვრებლის გარეშე დარჩა 15.04.2016 ფოტო: EPA/KIMIMASA MAYAMA

„ჩემი მეუღლე სახლში დაბრუნდა, რათა ენახა, რა მდგომარეობა დახვდებოდა. მისი თქმით, არეულობის გამო იქ ღამის გათევა შეუძლებელია. მინდა სახლში დავბრუნდე და იქაურობა დავალაგო, მაგრამ განმეორებითი ბიძგების მეშინია“ – ამბობს 80 წლის იაპონელი ქალი The Guardian-თან მიცემულ ინტერვიულში.

BBC-ის ინფორმაციით, მიწისძვრის შედეგად ცუნამის  წარმოქმნის საშიშრეობა არაა.  კუნძულზე რამდენიმე ატომური რეაქტორია განთავსებული, თუმცა კატასტროფის შედეგად არც ერთი დაზიანებულა. ოფიციალური ინფორმაციით, ორი მათგანი  ჩვეულ რეჟიმში განაგრძობს მუშაობას, სამი კი გეგმიური შემოწმების გამო მიწისძვრამდეც არ ფუნქციონირებდა.

მთავრობა მიწისძვრის შედეგად მიყენებულ ზარალს ამ დრომდე ითვლის.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.