თბილისი. ფოტო: ნინო კახიშვილი/ნეტგაზეთი
თბილისის მერიის განცხადებით, თბილისის 2016 წლის ბიუჯეტის დაზუსტებული პროექტის თანახმად, ბიუჯეტის თავდაპირველ ვარიანტთან შედარებით, გამწვანებისთვის 2 მლნ ლარით მეტია.
ბიუჯეტის თავდაპირველი ვარიანტით, გამწვანების ბიუჯეტი 2 მილიონ 984 ათასი ლარით იყო განსაზღვრული [2015 წლის ბიუჯეტის გეგმით გამწვანების ბიუჯეტი 5 მილიონ ლარზე მეტია].
“გამწვანების ღონისძიებებისთვის 2016 წლის ბიუჯეტის თავდაპირველ ვარიანტთან შედარებით, 2 მლნ ლარით მეტია განსაზღვრული, რაც ვერეს ხეობაში და პარკი მზიურის მიმდებარე ტერიტორიაზე სარეკრეაციო ზონის მოწყობის სამუშაოებზე მიიმართება. ამასთან, 2015 წლის 13-14 ივნისს მომხდარი სტიქიის სალიკვიდაციო ღონისძიებების პროგრამას, გარდა ტრანსფერებით მისაღები 5,3 მლნ ლარისა, დაემატა 1 მლნ ლარი და 6 მლნ. 300 ათასი ლარით განისაზღვრა”, – წერია მერიის განცხადებაში.
თბილისი. ფოტო: ნინო კახიშვილი/ნეტგაზეთი