უკრაინის პრეზიდენტის, ვოლოდიმირ ზელენსკის განცხადებით, ამზადებენ საპასუხო ზომებს რუსეთის მხრიდან მოსალოდნელი მასშტაბური დარტყმების წინააღმდეგ.
„დღეს მივიღეთ განახლებული სადაზვერვო მონაცემები რუსეთის მიერ მასშტაბური დარტყმის მომზადების შესახებ. ჩვენ ვამზადებთ საპასუხო ზომებს. ამოცანების დიდ ნაწილზე დავადგინეთ ვადები, ხოლო ყველაზე მაღალი პრიორიტეტის მქონე ამოცანები უკვე ხორციელდება“, – დაწერა დღეს ზელენსკიმ.
მისივე განცხადებით, საკოორდინაციო შეხვედრა ჩაატარა მთავრობის ოფიციალურ პირებთან, სამხედროებთან და ყველა საკვანძო სამსახურთან. ზელენსკი ამბობს, რომ მიიღო ინფორმაცია საჰაერო თავდაცვის საშუალებების განლაგებისა და განსაზღვრული საკვანძო ობიექტების დასაცავად თავდაცვითი ხაზების მოწყობის შესახებ.
„ჩვენ უზრუნველვყოფთ აუცილებელ საბრძოლო მასალას F-16-ებისთვის, გზაგადამჭრელი სისტემებისთვის და გზაგადამჭრელი რაკეტებისთვის. ყველაზე დიდი გამოწვევა ანტიბალისტიკურ შესაძლებლობებთან დაკავშირებით გვაქვს, და ამ მარაგების ხელმისაწვდომობა მთლიანად ჩვენს პარტნიორებზეა დამოკიდებული. ჩვენ მათთან ყოველდღიურად ვმუშაობთ“, – დაწერა ზელენსკიმ.
უკრაინის პრეზიდენტმა აღნიშნა, რომ გასული დღე-ღამის განმავლობაში რუსები თავს დაესხნენ უკრაინის რამდენიმე საავადმყოფოს კრამატორსკსა და კრივოი-როგში.
