ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

პრეზიდენტის ადმინისტრაციის უფროსად ლუკა ეხვაია დაინიშნა.

ის სხვადასხვა დროს საგარეო საკითხებში მიხეილ ყაველაშვილის მრჩევლისა და თანაშემწის პოზიციებს იკავებდა.

„ლუკა ეხვაია საერთაშორისო ურთიერთობების მკვლევარი და სპეციალისტია. კავკასიის უნივერსიტეტის სახელმწიფო მართვის სკოლაში მას საერთაშორისო ურთიერთობების ბაკალავრის ხარისხი აქვს მიღებული, ხოლო ბოლონიის უნივერსიტეტში — პოლიტიკური მეცნიერებების ფაკულტეტის მაგისტრის ხარისხი. იგი ასევე იყო ლაიფციგის უნივერსიტეტის ჰუმანიტარულ და სოციალურ მეცნიერებათა სადოქტორო პროგრამის გლობალური და რეგიონული კვლევების მიმართულების დოქტორანტი, მოგვიანებით კი, კავკასიის საერთაშორისო უნივერსიტეტში პოლიტიკის მეცნიერების დოქტორანტი“, — ნათქვამია ადმინისტრაციის მიერ გავრცელებულ ინფორმაციაში.

ლუკა ეხვაიას Tik-Tok-ზე ჰქონდა ანგარიში „ფუკოს ქანქარა“. ის აშშ-თან სტრატეგიული პარტნიორობის გაწყვეტას ზეიმობდა. ლუკა ეხვაია, ასევე, მომხრეა საქართველოს „3+3“ ფორმატში ჩართვის.

გამოცემა BMG-ის მიერ ყაველაშვილის ადმინისტრაციისგან გამოთხოვილი საჯარო ინფორმაციის თანახმად, ლუკა ეხვაიას ხელფასი „ქართული ოცნების“ პრეზიდენტის მრჩევლის პოსტზე 6 424 ლარი იყო.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.