ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

რუსეთის ფედერაციის ვიცე-პრემიერი ალექსანდრ ნოვაკი აფხაზეთში ჩავიდა.

დღეს სოხუმში რუსეთსა და მის მიერ ოკუპირებულ აფხაზეთს შორის სოციალურ-ეკონომიკური თანამშრომლობის „სამთავრობოთაშორისი კომისიის“ მე-20 სხდომა იმართება.

დე ფაქტო პრეზიდენტ ბადრა გუნბასთან შეხვედრაზე ნოვაკმა განაცხადა, რომ აფხაზეთი რუსეთისთვის სანდო და მეგობრული პარტნიორია.

„ჩვენ გვაქვს საერთო იდეები, საერთო ინიციატივები, ერთნაირი ხედვა დღევანდელ მსოფლიო მდგომარეობაზე, იმაზე, რომ მსოფლიო უნდა იყოს მულტიპოლარული. ცალკე მადლობას ვუხდით აფხაზეთის რესპუბლიკას რუსეთის მხარდაჭერისთვის სპეციალური სამხედრო ოპერაციის ფარგლებში და ვაფასებთ აფხაზების მონაწილეობას ამ ოპერაციაში“, – აღნიშნა მან.

რუსეთის დელეგაცია მივა ოჩამჩირის პორტშიც, სადაც რუსული ფლოტისთვის მუდმივი ბაზის გახსნაა დაანონსებული. ნოვაკი მოინახულებს სოხუმის აეროპორტს, რომელმაც 1-ელ მაისს გააახლა მუშაობა.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.