Bloomberg წყაროებზე დაყრდნობით წერს, რომ უკრაინამ F-16 გამანადგურებლების პირველი პარტია მიიღო.

მათი რაოდენობა მცირეა.

Bloomberg-ის თანამოსაუბრეებს არ დაუკონკრეტებიათ, შეძლებენ თუ არა F-16-ის მართვაში გაწვრთნილი უკრაინელი მფრინავები თვითმფრინავების დაუყოვნებლივ გამოყენებას, თუ ამას დამატებითი დრო დასჭირდება.

მედია ადრე წერდა, რომ უკრაინა ზაფხულში — 6, წლის ბოლომდე კი 20 მოიერიშე თვითმფრინავს მიიღებდა.

უკრაინის თავდაცვის სამინისტროს სპიკერმა კომენტარის გაკეთებაზე უარი თქვა.

უკრაინა დიდი ხანია ელის დასავლელი პარტნიორებისგან F-16-ების გაგზავნას. კიევის არაერთი თხოვნის მიუხედავად, აშშ-ის პრეზიდენტი ჯო ბაიდენი ჯერ კიდევ 2023 წლის მაისში უარს აცხადებდა უკრაინაში F-16-ების გაგზავნაზე.