კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენელი ხავიერ კოლომინა სოციალურ ქსელ „X-ზე“ წერს, რომ NATO შეშფოთებულია რუსული კანონის პირველი მოსმენით მიღების გამო, რაც უკან გადადგმული ნაბიჯია ევროატლანტიკურ სტრუქტურებში ევროინტეგრაციის გზაზე.
“ნატო შეშფოთებულია თბილისში კანონპროექტის პირველი მოსმენით მიღების გამო. არსებითია, რომ საქართველოს, როგორც ნატოს ასპირანტ ქვეყანას, ჰქონდეს სწორი სამოქმედო ჩარჩო მედიის თავისუფლებისა და სამოქალაქო საზოგადოების ჩართულობისთვის უზრუნველსაყოფად. ეს კანონპროექტი უკან გადადგმული ნაბიჯია და ხელს არ უწყობს საქართველოს ევროატლანტიკურ ინტეგრაციას”, — წერს ხავიერ კოლომინა.
17 აპრილს „ქართულმა ოცნებამ“ რუსული კანონი პირველი მოსმენით მიიღო. კანონპროექტის განხილვა რამდენიმე დღეა მასობრივი საპროტესტო აქციების ფონზე მიმდინარეობს.
ამავე თემაზე:
- „კრემლისგან შთაგონებული კანონმდებლობა“ — ვაშინგტონმა რიტორიკა დაამძიმა
- ევროპარლამენტარი: ამ კანონს ქვეყანა რუსეთში მიჰყავს და არა ევროკავშირში
- შარლ მიშელი რუსულ კანონზე: პირდაპირ ვიტყვი, ის დააშორებს საქართველოს EU-სგან
- EU-ს ელჩი: უდიდესი პარადოქსია, რომ ევროკავშირის კარი გაიღო და თბილისიდან შერეული სიგნალები მოდის