ახალი ამბები

პოლონეთში რაკეტის ჩამოვარდნის გამოძიებაში უნდა ჩავერთოთ – ზელენსკი

16 ნოემბერი, 2022 • 1176
პოლონეთში რაკეტის ჩამოვარდნის გამოძიებაში უნდა ჩავერთოთ – ზელენსკი

უკრაინის პრეზიდენტი, ვოლოდიმირ ზელენსკი დარწმუნებულია, რომ რაკეტა, რომელიც პოლონეთში აფეთქდა, უკრაინიდან არ იყო გასროლილი და მომხდართან დაკავშირებით შექმნილ საგამოძიებო ჯგუფში უკრაინული მხარის ჩართვის შესახებ საუბრობს.

„ეჭვი არ მეპარება, რომ ეს არ იყო ჩვენი რაკეტა“, – განაცხადა მან.

ზელენსკის თანახმად, უკრაინა აუცილებლად უნდა იყოს ჩართული მომხდარის გამოძიებაში.

„გვაქვს უფლება ვიყოთ გამოძიების ჯგუფში ჩართულნი? რა თქმა უნდა“, – განაცხადა ზელენსკიმ.

პოლონეთის აღმოსავლეთში, უკრაინის საზღვართან ახლოს, რაკეტა გუშინ, 15 ნოემბერს ჩამოვარდა, რამაც ორი ადამიანის სიცოცხლე იმსხვერპლა.რაკეტის გასროლაში უკრაინის პრეზიდენტმა, ვოლოდიმირ ზელენსკიმ რუსეთი დაადანაშაულა, თუმცა ამ უკანასკნელმა მომხდარში მისი მონაწილეობა გამორიცხა და ფაქტს „მიზანმიმართული პროვოკაცია“ უწოდა.ამერიკის შეერთებული შტატების პრეზიდენტის, ჯო ბაიდენის განცხადებით, „ნაკლებად სავარაუდოა, რომ რაკეტა რუსეთიდან ისროლეს“.

მასალების გადაბეჭდვის წესი