რუსეთის ფედერაციაში ნაწილობრივი მობილიზაციის გამოცხადებას მოქალაქეთა ნაწილი დიდი სიხარულით არ შეხვედრია.
მობილიზაციის გამოცხადებას დაღესტანში სამხედრო კომისარიატის შენობის ეზოში სიტყვიერი დაპირისპირება მოჰყვა კომისარსა და იქ შეკრებილ ადამიანებს შორის, რომლებიც ომში გაწვევას აპროტესტებდნენ.
ვიდეოს ავრცელებს გამოცემა Nexta-ს რედაქტორი, დათეუშ გიცანი სოციალურ ქსელში.
Pretty powerful video. In Dagestan locals clearly don’t want to go to war with Ukraine. The recruiting officer argues they have to fight for the future. – We don’t even have a present, what future are you talking about,” replies a Dagestani man. pic.twitter.com/1O4ob2GhSN
— Tadeusz Giczan (@TadeuszGiczan) September 22, 2022
ვიდეოში ჩანს, რომ მოქალაქეები უკრაინაში ომს “პოლიტიკას” უწოდებენ და ეწინააღმდეგებიან შედარებას მის მე-2 მსოფლიო ომთან, სადაც სსრკ გერმანიას ებრძოდა.
კრემლმა ნაწილობრივი სამხედრო მობილიზაცია 21 სექტემბერს გამოაცხადა.
მობილიზაცია ეხება რუსეთის იმ მოქალაქეებს, რომლებსაც გავლილი აქვთ სამხედრო სწავლება და ირიცხებოდნენ რუსეთის ფედერაციის შეიარაღებულ ძალებში.
კრემლს მობილიზაციის გამოცხადება მას შემდეგ მოუწია, რაც უკრაინაში მნიშვნელოვანი სამხედრო დანაკარგები იწვნია, მათ შორის, დაკარგა კონტროლი ხარკოვის ოლქში ოკუპირებული ტერიტორიის დიდ ნაწილზე.