ნობელის პრემიის გამარჯვებულმა მშვიდობის დარგში, დიმიტრი მურატოვმა საკუთარი ჯილდო აუქციონზე 103.4 მილიონ აშშ დოლარად გაყიდა.
მიღებული თანხით იგი უკრაინაში, ომისგან იძულებით გადაადგილებულ ბავშვებს დაეხმარება.
მურატოვი რუსული გამოცემა Новая газета-ს რედაქტორია. გამოცემამ რუსეთში მუშაობა 2022 წლის მარტში, უკრაინის ომის გაშუქებისთვის მიღებული გაფრთხილებების შემდეგ შეწყვიტა.
მურატოვმა ნობელის პრემიის მიღება Новая газета-ს 6 ჟურნალისტს მიუძღვნა, მათ შორის, ანა პოლიტკოვსკაიას, რომელიც რუსეთში 2006 წელს მოკლეს.
უკრაინაში ასი ათასობით ბავშვი რუსული აგრესიის შედეგად დევნილად ან ლტოლვილად იქცა.
