უკრაინის თავდაცვის სამინისტროს ცნობით, უკრაინულმა ფლოტმა გაანადგურა რუსული სამაშველო-საბუქსირე გემი „Spasatel Vasily Bekh“.
ოდესის სამხედრო ადმინისტრაციის ხელმძღვანელის, მაქსიმ მარჩენკოს თანახმად, უკრაინულმა მხარემ Harpoon-ის სარაკეტო სისტემის საშუალებით გემი კუნძულ ზმეინთან ახლოს გაანადგურა.
თავდაცვის სამინისტროს მიხედვით, გემს პერსონალი კუნძულ ზმეინზე გადაჰყავდა. ის დატვირთული იყო იარაღითა და ამუნიციით.
„მოსკვა არასდროს იქნება მარტო“, – აცხადებს უკრაინის თავდაცვის სამინისტრო.
Russian Black Sea tug Vasily Bekh (SB-739) is hit by what appears to be a Ukrainian antiship cruise missile pic.twitter.com/92so7ItWO7
— OSINTtechnical (@Osinttechnical) June 17, 2022
„Harpoon“ ამერიკული ხომალდსაწინააღმდეგო სარაკეტო სისტემაა, რომლის გამოყენებაც ყველა ამინდშია შესაძლებელი.
რაკეტის გაშვება შესაძლებელია თვითმფრინავებიდან, გემებიდან, წყალქვეშა ნავებიდან და სანაპირო დაცვის ბატარიებიდან.