უკრაინის საგარეო საქმეთა მინისტრი დმიტრო კულება ქვეყნებს მოუწედებს, მოახდინონ სიმბოლო „Z-ის“ გამოყენების კრიმინალიზაცია. ამის შესახებ კულებამ ტვიტერზე დაწერა.
„მოვუწოდებ ყველა სახელმწიფოს, „Z“ სიმბოლოს გამოყენების კრიმინალიზაცია მოახდინონ, როგორც უკრაინის წინააღმდეგ რუსეთის სამხედრო აგრესიის საჯარო მხარდაჭერის სიმბოლოსი. „Z“ ნიშნავს რუსეთის სამხედრო დანაშაულებებს, დაბომბილ ქალაქებს, ათასობით მოკლულ უკრაინელს. ამ ბარბაროსობის საჯარო მხარდაჭერა უნდა აიკრძალოს“, — წერს კულება.
I call on all states to criminalize the use of the ‘Z’ symbol as a way to publicly support Russia’s war of aggression against Ukraine. ’Z’ means Russian war crimes, bombed out cities, thousands of murdered Ukrainians. Public support of this barbarism must be forbidden.
— Dmytro Kuleba (@DmytroKuleba) March 29, 2022
რუსეთი უკრაინაში 24 თებერვალს შეიჭრა და მას შემეგ განუწყვეტლივ ბომბავს უკრაინის ქალაქებს, რის შედეგადაც დაღუპულია ათასობით ადამიანი, მათ შორის, სულ მცირე, 150 ბავშვი. 10 მილიონი ადამიანი იძულებული გახდა, დაეტოვებინა საკუთარი საცხოვრებელი, მათგან 3.7-მა მილიონმა ქვეყანა დატოვა.
გირჩევთ წაიკითხოთ: როგორ იქცა “Z” პუტინის ომის სიმბოლოდ