ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

ბრიტანეთის დაზვერვა რუსეთ-უკრაინის ომზე განახლებულ ინფორმაციას ავრცელებს.

ბრიტანული მხარის თქმით, უკრაინული მხარის კონტრშეტევებმა და რუსული ძალების მომარაგების ჯაჭვის სისუსტემ შესაძლებლობა მისცა კიევს, მოეხდინა ქალაქების გათავისუფლება და თავდაცვითი პოზიციების დაკავება კიევის აღმოსავლეთით 35 კილომეტრის რადიუსში.

ამასთან, ბრიტანული დაზვერვის ცნობით, უკრაინული მხარე, სავარაუდოდ, გააგრძელებს რუსული ძალების განდევნას კიევიდან ჩრდილო-დასავლეთით გოსტომელის აეროდრომის მიმართულებით.

ბრიტანული მხარის განცხადებით, უკრაინის სამხრეთით რუსული ძალები კვლავ ცდილობენ მიკოლაივის გვერდის ავლას და ოდესის მიმართულებით სვლას, რასაც აფერხებს უკრაინელთა წინააღმდეგობა და ლოჯისტიკური პრობლემები.

რუსეთი უკრაინაში 24 თებერვალს, გამთენიისას შეიჭრა და მას შემდეგ განუწყვეტლივ ბომბავს როგორც სამხედრო ობიექტებს, ისე მშვიდობიან მოსახლეობას. შეჭრას წინ უძღოდა რუსეთის პრეზიდენტის მიერ უკრაინის სეპარატისტული დონეცკისა და ლუგანსკის დამოუკიდებლობის აღიარება.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.