კომპიუტერული ჩიპების (ნახევარგამტარების) გლობალურმა ინდუსტრიამ, შეერთებული შტატების მიერ რუსეთისთვის უკრაინაში შეჭრის გამო დაწესებული სანქციების ფონზე, რუსეთში გაყიდვები შეწყვიტა.
Washington Post მაგალითად ასახელებს ტაივანურ გიგანტს, Taiwan Semiconductor Manufacturing Company-ს (TSMC), რომელმაც გუშინვე განაცხადა, რომ სანქციებს დაემორჩილებოდა.
ნიო-იორის ქალაქ მალტაში დაფუძნებული კიდევ ერთი კომპანიის, GlobalFoundries-ს ცნობით, ისიც ემორჩილება დაწესებულ შეზღუდვებს.
ბაიდენის ადმინისტრაციამ საქნციები 24 თებერვალს გამოაცხადა. თეთრი სახლის თანახმად, სანქციების ნაწილი რუსეთის მაღალტექნოლოგიური სფეროს იმპორტის ნახევარზე მეტს შეზღუდავს, რაც ძლიერად დაარტყამს ქვეყნის უნარს, მოახდინოს ეკონომიკისა და სამხედრო შესაძლებლობების დივერსიფიკაცია.
სანქციები, რომელიც შტატების მოკავშირეებმაც გაააქტიურეს, ითვალისწინებს რუსეთში თავდაცვის და სხვა მაღალტექნოლოგიურ სფეროში (მათ შორის საჰაერო თუ საზღვაო ტექნოლოგიების სექტორში) მომუშავე კომპანიებზე გაყიდვების შემცირებას, თუმცა არ ეხება საყოფაცხოვრებო ტექნიკის სფეროს.
ნახევარგამტარები (ჩიპები) გამოიყენება თითქმის ყველაფერში, რასაც მოვიხმართ, – დაწყებული საყოფაცხოვრებო ტექნიკიდან, დამთავრებული კომპიუტერული ტექნიკით, – გამოიყენება მანქანათმშენებლობაშიც, ასევე, საჰაერო, საზღვაო თუ სახმელეთო სამხედრო ტექნიკის სფეროებში.
მე-3 დღეა, რუსეთის ფედერაციამ უკრაინაში სრულმასშტაბიანი ომი დაიწყო.
26 თებერვლის მონაცემებით, უკრაინის თავდაცვის ძალების თანახმად, კიევიდან 29 კილომეტრში, ვასილკოვში, სადაც „ოკუპანტები დესანტის გადმოსხმას ცდილობენ“, მძიმე ბრძოლებია.
ხელჩართული ბრძოლებია კიევის ქუჩებშიც, სადაც მთელი ღამე აფეთქებების ხმა ისმოდა.