ქალაქ ცხინვალთან, ოკუპირებულ დასახლება ნოგყაუში ორი ადამიანის ცხედარი იპოვეს. ამის შესახებ დე ფაქტო რესპუბლიკის შინაგან საქმეთა სამინისტრო იუწყება.
როგორც დე ფაქტო უწყების განცხადებაში ვკითხულობთ, გარდაცვლილები იდენტიფიცირებულნი არიან, ისინი მანქანაში იპოვეს და მათ არ აღენიშნებოდათ ძალადობის ნიშნები.
ამასთანავე, განცხადებაში ვკითხულობთ, რომ მათი ასაკი 35 და 40 წელია, დამატებითი დეტალები კი ზუსტდება.