მსოფლიო ჯანდაცვის ორგანიზაციის მიერ ავტორიზებული ვაქცინებით უცხოეთში აცრილ პირებს იმუნიზაციის მოდულში რეგისტრაციის უფლება მიეცათ, რაც მათ Georgia eHealth აპლიკაციის გამოყენების შესაძლებლობას მისცემს. ამის შესახებ ინფორმაციას ჯანდაცვის სამინისტრო ავრცელებს.
სამინისტროს ცნობით, არის შემთხვევები, როდესაც პირებს, ვისაც ვაქცინის ერთი დოზა მაინც საქართველოს საზღვრებს გარეთ აქვთ გაკეთებული, იმუნიზაციის მოდულში რეგისტრაციას ვერ ახერხებენ. ჯანდაცვის სამინისტრო საქართველოს და უცხოეთის მოქალაქეებს, ვისაც მსგავსი პრობლემა ექმნება, იმუნიზაციის მოდულში ჩართვას შემდეგი პროცედურებით სთავაზობს:
“რეგისტრაციისათვის, დაინტერესებულმა პირებმა უნდა მიმართონ ქვემოთ მითითებულ სამედიცინო დაწესებულებებს და წარმოადგინონ შესაბამისი ქვეყნის ამცრელი დაწესებულების მიერ გაცემული აცრის ჩატარების დამადასტურებელი დოკუმენტები,რის საფუძველზეც ადგილზევე მოხდება მათი რეგისტრაცია და სტატუსი აისახება Georgia eHealth აპლიკაციაში.
აღნიშნული ობიექტებია:
საქართველოში ე.წ. “მწვანე პასპორტის” სისტემა მიმდინარე წლის 1 დეკემბრიდან ამოქმედდა. პირის კორონავირუსთან დაკავშირებული სტატუსი შესახებ ინფორმაცია ელექტრონული აპლიკაციებზე COVIDPASS.MOH.GOV.GE. და Georgia e-health არის ხელმისაწვდომი.