საახალწლო ილუმინაციების მონტაჟის გამო თბილისში, რესპუბლიკის მოედანზე, საავტომობილო მოძრაობა სამი დღის განმავლობაში, შუაღამობით შეიზღუდება.
„თბილსერვის ჯუფის“ ინფორმაციით, სამონტაჟო სამუშაოები პირველი რესპუბლიკის მოედნიდან თავისუფლების მოედნამდე, 27-30 ნოემბრის ჩათვლით, 00:00-დან 07:00 საათამდე პერიოდში იწარმოებს. ამ მიზნით ჩაიკეტება პირველი რესპუბლიკის მოედანი და ავტომანქანების გადაადგილება სრულად შეიზღუდება.
ფოტოზე: საახალწლო ღონისძიება რესპუბლიკის მოედანზე 2018 წელს, თბილისის მერია.