დეპუტატმა ფრიდონ ინჯიამ უზენაესი სასამართლოს მოსამართლეობის კანდიდატ გენადი მაკარიძეს ჰკითხა, თუ აპირებს მეტი შვილის გაჩენას.
ეს დიალოგი იურიდიულ საკიხთა კომიტეტზე გაიმართა, სადაც დღეს, 25 ნოემბერს, უზენაესი მოსამართლეობის კანდიდატებს უსმენენ:
ფ.ი. -ბატონო გენადი, თქვენ სამი შვილი გყავთ.. ფიქრობთ, კიდევ გამრვლდეს თქვენი ოჯახი? მე, მაგალითად, ვისურვებდი.
გ.მ. – ადამიანს რაც მეტი ჰყავს შვილი, მით უკეთესია ერისთვის, ქვეყნისთვის…
ფ.ი. – ჯანმრთელობას გისურვებთ და გამრავლებას კიდევ…
გ.მ. – მადლობა.
ფ.ი. – მოგეხსენებათ, რომ დღეს საქართველოში დემოგრაფიული კრიზისი არის, რამდენად მიგაჩნიათ, ქორწინების ზღვრული ასაკი შემცირდეს, ერთი წლით მაინც?
გ.მ. – არა, ვფიქრობ, რომ ის, რაც კანონმდებლობით არის დადგენილი, საკმაოდ გონივრულია. ქორწინება, ეს ბევრ სოციალურ საკითხს…
ფ.ი. – მადლობა, გენადი, თქვენ ბრძანეთ „არა“. გასაგებია…
გენადი მაკარიძე 2018-2019 წლებში იყო თბილისის საქალაქო სასამართლოს სამოქალაქო საქმეთა კოლეგიის მოსამართლე. 2019 წლის სექტემბრიდან დანიშნულია თბილისის სააპელაციო სასამართლოს სამოქალაქო საქმეთა პალატის მოსამართლედ უვადოდ, კანონით დადგენილი ასაკის მიღწევამდე.
25-26 ნოემბერს საქართელოს პარლამენტის იურიდიულ საკითხთა კომიტეტი უსმენს უზენაესი სასამართლოს მოსამართლეობის 4 კანდიდატს, რომელიც იუსტიციის უმაღლესმა საბჭომ წარადგინა.
ამჟამად უზენაეს სასამართლოში 5 ვაკანტური პოზიციაა და 3 დამოუკიდებელი კონკურსი მიმდინარეობს, რომლებიც ჯერ კიდევ 2020 წლის შემოდგომაზე გამოცხადდა.
წაიკითხეთ ასევე:
მართლმსაჯულების რეფორმამდე უზენაესის მოსამართლეები არ უნდა ინიშნებოდნენ – კოალიცია