უკრაინის პრეზიდენტმა ვოლოდიმირ ზელენსკიმ სატელეფონო საუბარში ირაკლი ღარიბაშვილს სთხოვა საპყრობილეში მყოფ მიხეილ სააკაშვილთან მისი დედა, ნათესავები და უკრაინელი ექიმები შეუშვან.
ზელენსკიმ ღარიბაშვილთან სატელეფონო საუბარზე ინფორმაცია საკუთარი ტვიტერის ანგარიშით გაავრცელა.
„სატელეფონო საუბარში ირაკლი ღარიბაშვილთან, მე ხაზი გავუსვი, რომ უკრაინის მოქალაქე მიხეილ სააკაშვილის უფლებები აუცილებლად უნდა იყოს გარანტირებული საერთაშორისო ნორმების ფარგლებში. მოვითხოვე მიხეილ სააკაშვილის დედის, ნათესავებისა და უკრაინელი ექიმების მასთან შეშვება.
In a phone conversation with @GharibashviliGe, I stressed that the rights of 🇺🇦 citizen @SaakashviliM must be fully guaranteed in accordance with international norms. Applied for admission of Mikheil Saakashvili’s mother, relatives, and Ukrainian doctors to him.
— Володимир Зеленський (@ZelenskyyUa) November 12, 2021
პრეზიდენტის ოფიციალურ ვებ-გვერდზე განთავსებული ინფორმაციის თანახმად, ზელენსკიმ ხაზი გაუსვა უკრაინის მოქალაქის მიმართ არაპროპორციული იძულებითი ზომების გამოყენების დაუშვებლობას.
მიხეილ სააკაშვილი გლდანის მე-18 სამკურნალო დაწესებულებაში იმყოფება. მისი განცხადებით, ის აქ მოტყუებით გადაიყვანეს.
სააკაშვილი 43-ე დღეა შიმშილობს.