რუსთავის მე-12 პენიტენციურ დაწესებულებასთან აქციის მონაწილეებსა და პოლიციას შორის სიტყვიერი დაპირისპირება მოხდა.
აქციის მონაწილეები შეურაცხმყოფელი სიტყვებით მოიხსენიებდნენ მთავრობას, პრემიერ-მინისტრ ირაკლი ღარიბაშვილს და ექს-პრემიერ ბიძინა ივანიშვილს.
როგორც “ნეტგაზეთს” შინაგან საქმეთა სამინისტროში განუცხადეს, ორი პირი ადმინისტრაციული წესით დააკავეს.
რუსთავში, მე-12 პენიტენციურ დაწესებულებასთან აქცია ექს-პრეზიდენტ მიხეილ სააკაშვილის სამოქალაქო საავადმყოფოში გადაყვანის მოთხოვნით გაიმართა. ენმ-მ ხელისუფლებას 24-საათიან ვადა მისცა ყოფილი პრეზიდენტის სამოქალაქო საავადმყოფოში გადასაყვანად, წინააღმდეგ შემთხვევაში, 8 ნოემბერს, 20:00 საათზე, თავისუფლების მოედანზე ფართომასშტაბიანი აქცია დაანონსა, სადაც ოპოზიციის სამოქმედო გეგმა გაჟღერდება.
24-საათიან ვადას ვაძლევთ ხელისუფლებას სააკაშვილის სამოქალაქო კლინიკაში გადასაყვანად — მელია
