4 ნოემბერს აშშ-ის სახელმწიფო მდივნის მოადგილის თანაშემწე, ერიკა ოლსონი თბილისში ჩამოვიდა.
აშშ-ის საელჩოს ცნობით, ის სამხრეთ კავკასიის ვიზიტის ფარგლებში ეწვია თბილისს.
საელჩოს თანახმადვე, თანაშემწის მოადგილე ოლსონი შეხვდება საქართველოს პრემიერ-მინისტრს, საგარეო საქმეთა მინისტრსა და პოლიტიკური სპექტრის წარმომადგენლებს.
„ასევე, ის დაესწრება კულტურულ ღონისძიებას და გაეცნობა საელჩოს მიერ მხარდაჭერილ პროექტს, რომელიც აშშ-საქართველოს სტრატეგიულ მიზნებს ავითარებს“, – წერს საელჩო.
რამდენიმე კვირის წინ თბილისში სამხრეთ კავკასიის ვიზიტის ფარგლებში იმყოფებოდა შტატების თავდაცვის მდივანი ლოიდ ოსტინი.