საქართველოში ბოლო 24 საათში კორონავირუსის 4 837 შემთხვევა გამოვლინდა

ბოლო 24 საათში საქართველოში კორონავირუსით ინფიცირების 4 837 ახალი დადასტურებული შემთხვევა გამოვლინდა, გარდაიცვალა 26 ადამიანი და გამოჯანმრთელდა კიდევ 1 586 პირი.

stopcov.ge-ს თანახმად, ინტენსიური ტესტირების ფარგლებში, ბოლო 24 საათში, ქვეყნის მასშტაბით ჩატარდა 49 386 კვლევა ტესტით, მათ შორის ანტიგენის სწრაფი ტესტით – 32 217 და PCR ტესტით – 17 169.

რაც შეეხება დადებითობის მაჩვენებელს, 12 ოქტომბრის მდგომარეობით, დადებითობის დღიური მაჩვენებელი არის 9,79%, ბოლო 14 დღის – 6,95%, ბოლო 7 დღის – 8,52%

ინფიცირების 4 837 ახალი შემთხვევა რეგიონების მიხედვით ასე ნაწილდება:

• თბილისი – 1 379 შემთხვევა,
• აჭარა – 171,
• იმერეთი – 1 028,
• ქვემო ქართლი – 257,
• შიდა ქართლი – 298,
• გურია – 143,
• სამეგრელო – ზემო სვანეთი – 444,
• კახეთი – 889,
• მცხეთა-მთიანეთი – 80,
• სამცხე-ჯავახეთი – 96,
• რაჭა-ლეჩხუმი და ქვემო სვანეთი – 52.

დაავადებათა კონტროლის ცენტრის ცნობით, გასულ 24 საათში საქართველოში კორონავირუსის საწინააღმდეგო 6 837 აცრა გაკეთდა.

“ამ ეტაპზე ინფიცირების მიმდინარე აქტიური შემთხვევაა 30 256, საიდანაც 4 766 ადამიანი მკურნალობს საავადმყოფოში, მათ შორის, თბილისის საავადმყოფოებში – 1 605, აჭარაში – 435, იმერეთში – 1 161.

ამ ეტაპზე მძიმე პაციენტია 1 053 პირი, მათ შორის, თბილისში – 333, აჭარაში – 78, იმერეთში – 372. ხელოვნური სუნთქვის აპარატზე იმყოფება 250 პირი, მათგან თბილისში – 137, აჭარაში – 18, იმერეთში – 27.

803 ადამიანი მოთავსებულია კლინიკურ სასტუმროებში, მათ შორის 424 – თბილისში, 241 – აჭარაში. 24 687 პირი ვირუსის მკურნალობის კურსს გადის საცხოვრებელ ბინაზე”, — დასძენს საქართველოს მთავრობა.