ჩეხეთმა აღიარა ქართული კოვიდ სერთიფიკატი, თუმცა, სინოვაკის და სინოფარმის გამოკლებით

ჩეხეთმა აღიარა საქართველოს მიერ გაცემული კორონავირუსზე ვაქცინაციის სერთიფიკატი. ამის შესახებ განცხადება საქართველოში ჩეხეთის საელჩო ავრცელებს.

თავის მხრივ სერთიფიკატი უნდა აკმაყოფილებდეს შემდეგ მოთხოვნებს:

• სულ მცირე 14 დღე უნდა იყოს გასული სრული ვაქცინირებიდან;
• სერთიფიკატი უნდა შეესაბამებოდეს გამოქვეყნებულ ნიმუშს;
• ვაქცინაცია უნდა ჩატარდეს (ჯანმრთელობის მსოფლიო ორგანიზაციის, ვროპის წამლის სააგენტოს მიერ) აღიარებული ვაქცინით, როგორიცაა „ასტრაზენეკა“ ; „მოდერნა“; „ფაიზერი“ და „ჯონსონი და ჯონსონი“.

დოკუმენტში აღნიშნულია, რომ თუ სერთიფიკატი აკმაყოფილებს აღნიშნულ მოთხოვნებს, აცრილ პირებს შეეძლებათ ჩეხეთში მოგზაურობა.

ასევე, ვაქცინირებულებს შეეძლებათ მოკლევადიანი შენგენის ვიზების აღება ნებისმიერი მიზნებისთვის.