მთავრობის გადაწყვეტილებით, ოლიმპიური ჩემპიონი ერთ მილიონს ლარს მიიღებს: აღნიშნულის შესახებ საქართველოს პრემიერ-მინისტრმა ირაკლი ღარიბაშვილმა 10 ივლისს განაცხადა. ღარიბაშვილი საქართველოს ოლიმპიური და პარაოლიმპიური დელეგაციების ფიცის დადებისა და ტოკიოს ოლიმპიურ და პარალიმპიურ თამაშებზე გაცილების ცერემონიაზე იმყოფებოდა. ოლიმპიური თამაშები ტოკიოში 23 ივლისს იწყება და 8 აგვისტოს სრულდება. პანდემიის კრიზისიდან გამომდინარე, თამაშები გულშემატკივართა დასწრების გარეშე ჩაივლის.