საავტომობილო გზების დეპარტამენტის თანახმად, რიკოთის ჩქაროსნულ მაგისტრალზე მოძრაობა აღდგა.
დღეს რიკოთის ჩქაროსნული მაგისტრალის ხევი-უბისას მეოთხე გვირაბთან ინტენსიური წვიმის შედეგად მეწყერი ჩამოწვა, რამაც შეზღუდა საავტომობილო გადაადგილება.
ამჟამად სავალი ნაწილი მიწისგან გათავისუფლებულია. საავტომობილო გზების დეპარტამენტის თანახმად, მოწყობილია ბეტონის დამცავი კედელიც.
ფოტო გარეკანზე: კადრი საავტომობილო გზების დეპარტამენტის მიერ გავრცელებული ვიდეოდან.