Stop.cov.ge-ის თანახმად 7 ივნისის მონაცემებით საქართველოში კორონავირუსის 11 117 ტესტიდან 307 ახალი შემთხვევა დადასტურდა და დადებითობის მაჩვენებლმა 2.76% შეადგინა. ასევე, ბოლო 24 საათის განმავლობაში გამოჯანმრთელდა 1 014 პირი და გარდაიცვალა 24 ადამიანი.
ახალი შემთხვევები რეგიონების მიხედვით შემდეგნაირად ნაწილდება:
რაც შეეხება დადებითობის მაჩვენებელს, 6 ივნისის მდგომარეობით, დადებითობის მაჩვენებელი ბოლო 14 დღის მანძილზე 2.88%-ია, ხოლო 7 დღის მანძილზე – 2.98%.
ასევე, ამ დროისთვის 9 926 ინფიცირების მიმდინარე აქტიური შემთხვევაა, მათ შორის 3 428 ადამიანი მკურნალობს კლინიკაში, საიდანაც 202 ხელოვნური სუნთქვის აპარატზეა შეერთებული. 627 ადამიანი კლინიკა-სასტუმროშია მოთავსებული, საცხოვრებელ ბინაზე კი მკურნალობის კურსს 5 871 პირი გადის.
ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 349 405-ია.