გამოვლინდა კორონავირუსის 1 409 ახალი შემთხვევა, გარდაიცვალა 27 ადამიანი – 12 მაისი

საქართველოში ბოლო 24 საათში კორონავირუსის 1 409 ახალი შემთხვევა გამოვლინდა, გარდაიცვალა 27 ადამიანი. ინფორმაციას მთავრობის ადმინისტრაცია ავრცელებს.

უწყების თქმით, ამავე პერიოდში გამოჯანმრთელდა 1 256 ადამიანი, ჩატარდა 27 699 ტესტი.

„რაც შეეხება დადებითობის მაჩვენებელს, 11 მაისის მდგომარეობით, დადებითობის დღიური მაჩვენებელი არის 3.5 %, ბოლო 14 დღის მანძილზე – 5.82%, ხოლო 7 დღის მანძილზე – 5.48%“, – ნათქვამია ოფიციალურ განცხადებაში.

ახალი 1 409 შემთხვევა რეგიონების მიხედვით ასე გადანაწილდა:

• თბილისი – 744
• აჭარა – 102
• იმერეთი – 149
• ქვემო ქართლი – 83
• შიდა ქართლი – 54
• გურია – 21
• სამეგრელო – ზემო სვანეთი – 149
• კახეთი – 59
• მცხეთა – მთიანეთი – 24
• სამცხე – ჯავახეთი – 13
• რაჭა – ლეჩხუმი და ქვემო სვანეთი – 11

ამ ეტაპზე ინფიცირების მიმდინარე, აქტიური 16 341 შემთხვევა ფიქსირდება, რომელთაგან მძიმეა 872. ხელოვნური სუნთქვის აპარატზე იმყოფება 192 პირი.

ამასთანავე, საკარანტინო სივრცეში მოთავსებულია 75 ადამიანი, ხოლო თვითიზოლაციაში- 28 864.

საქართველოში სულ კორონავირუსის 325 665 შემთხვევა დადასტურდა, რომელთაგან გამოჯანმრთელდა 304 935, გარდაიცვალა 4 363.