იერუსალიმში მცხოვრებ პალენსტინელებსა და ისრაელის პოლიციას შორის 10 მაისს ალ-აკსას მეჩეთთან დაპირისპირება მოხდა, რა დროსაც, BBC-ის ცნობით, 200-ზე მეტი ადამიანი დაშავდა.
დაპირისპირების დროს პოლიციამ შეკრებილი მოქალაქეების წინააღმდეგ რეზინის ტყვიები და ცრემლსადენი გაზი გამოიყენა.
ისრაელის პოლიციის განცხადებით, მხარეებს შორის დაპირისპირება მოჰყვა იმ ფაქტს, რომ პალესტინელები ღამის განმავლობაში მოლოტოვის კოქტეილებითა და ქვებით გამაგრდნენ მეჩეთში, რათა წინააღმდეგობა გაეწიათ იერუსალიმის დღის აღნიშვნისთვის. ამ დღეს ისრაელელი ახალგაზრდები აღნიშნავენ 1967 წელს აღმოსავლეთ იერუსალიმის დაკავებას.
These are the rocks and the pieces of intentionally broken furniture that Palestinian rioters have prepared inside a mosque on the #TempleMount, for the riots that they have instigated there this morning.
The freedom to pray is guarenteed, the freedom to riot is not. #Jerusalem pic.twitter.com/Lo0Y5IVSHx
— Ofir Gendelman (@ofirgendelman) May 10, 2021
ისრაელის პრემიერ-მინისტრის ბენიამინ ნეთანიაჰუს პრეს-სპიკერის თვითერის პოსტი. “ლოცვის თავისუფლება გარანტირებულია, ძალადობრივი პროტესტის თავისუფლება – არა”.
ქუჩის დაპირისპირებები მიმდინარეობს მოქალაქეებს შორისაც.
Dramatic video from moments ago: Palestinians try to lynch the passengers of an Israeli car near the Old City of #Jerusalem, which led to the driver losing control over the vehicle. An Israeli police officer saved them from a sure death. pic.twitter.com/Y3LQwlbR9i
— Ofir Gendelman (@ofirgendelman) May 10, 2021
პალესტინელი დემონსტრანტები თავს ესხმიან მანქანას, რომელიც მანამდე ერთ-ერთ დემონსტრანტს დაეჯახა
მანამდე ისრაელის პოლიციამ გაავრცელა ცნობა, რომ პოლიციამ მოქალაქეებს აღნიშნულ მარშში მონაწილეობისთვის აღმოსავლეთ იერუსალიმში შესვლა და მუსლიმურ სალოცავებთან მიახლოება აუკრძალა.
პალესტინელები აღნიშნულ მარშს პროვოკაციად აღიქვამენ.
ისრაელში პალესტინელ მოქალაქეებსა და პოლიციას შორის დაპირისპირება რამდენიმე დღეა გრძელდება. ალ-აკსას მეჩეთის ინციდენტს წინ უსწრებდა შეიხ ჯარას რაიონის პროტესტი, რა დროსაც ადგილობრივი არაბული მოსახლეობა ისრაელის სახელმწიფოს მიერ საცხოვრებელი სახლებიდან შესაძლო გამოსახლებასა და ებრაული დასახლების აშენებას აპროტესტებდა.
ფოტო გარეკანზე: ისრაელის პრემიერ მინისტრის პრესსპიკერის თვითერის ანგარიში