ნეტგაზეთი | ფსიქოტროპულების ურეცეპტოდ გაყიდვის ბრალდებით 5 აფთიაქის ხელმძღვანელია დაკავებული ფსიქოტროპულების ურეცეპტოდ გაყიდვის ბრალდებით 5 აფთიაქის ხელმძღვანელია დაკავებული – Netgazeti
RU | GE  

ფსიქოტროპულების ურეცეპტოდ გაყიდვის ბრალდებით 5 აფთიაქის ხელმძღვანელია დაკავებული

ფინანსთა სამინისტროს საგამოძიებო სამსახურის ინფორმაციით, ფსიქოტროპული წამლების უნებართვოდ გაყიდვის ბრალდებით 5 აფთიაქის ხელმძღვანელი დააკავეს.

უწყება ამბობს, რომ ხუთივე აფთიაქი თბილისში მდებარეობდა. მათივე ინფორმაციით, აფთიაქები ფსიქოტროპულ და სპეციალურ კონტროლს დაქვემდებარებულ მედიკამენტებს უნებართვოდ ან სანებართვო პირობების დარღვევით ყიდდნენ.

„საგამოძიებო მოქმედებების შედეგად, ხსენებული აფთიაქებიდან ამოღებულ იქნა დიდი ოდენობით სხვადასხვა დასახელების ფსიქოტროპული მედიკამენტი. მიმდინარეობს შესაბამისი საგამოძიებო მოქმედებები.

გამოძიება გრძელდება საქართველოს სისხლის სამართლის კოდექსის 192-ე მუხლის პირველი ნაწილით [უკანონო სამეწარმეო საქმიანობა], რაც სასჯელის სახით ითვალისწინებს თავისუფლების აღკვეთას 1-დან 3 წლამდე ვადით“, – ამბობს უწყება.
ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან