ნეტგაზეთი | ნამოხვანში გაუჩინარებული კაცის ძებნის ფარგლებში გუმათჰესის და რიონიჰესის საგუბრები დაიცლება ნამოხვანში გაუჩინარებული კაცის ძებნის ფარგლებში გუმათჰესის და რიონიჰესის საგუბრები დაიცლება – Netgazeti
RU | GE  

ნამოხვანში გაუჩინარებული კაცის ძებნის ფარგლებში გუმათჰესის და რიონიჰესის საგუბრები დაიცლება

საგანგებო სიტუაციების მართვის სააგენტოს თქმით, სოფელ ნამოხვანში გაუჩინარებული კაცის სამძებრო ღონისძიებების ფარგლებში გუმათჰესისა და რიონჰესის საგუბრებს წყლისგან დაცლიან.

10 აპრილს სოფელ ნამოხვანში, დემონსტრანტების ბანაკის სიახლოვეს, მდინარე რიონში ახალგაზრდა კაცი გაუჩინარდა, რომელსაც დღემდე ეძებენ.

„მდინარე რიონზე სამუშაოები უწყვეტ რეჟიმში მიმდინარეობს. ოპერაციის ფარგლებში, 7 მაისის 08:00 საათიდან 9 მაისის 18:00 საათამდე, იგეგმება გუმათჰესების კასკადისა და რიონჰესის სათავე-ნაგებობის საგუბრების წყლისგან დაცლა. ტერიტორიაზე იმუშავებენ სახანძრო-სამაშველო ჯგუფები“, — ამბობს უწყება.

საგანგებო სიტუაციების სამსახური მოუწოდებს ადგილობრივ მოსახლეობას, სიფრთხილე გამოიჩნონ – „აღნიშნული სამუშაობის შესახებ ინფორმაცია მოსახლეობას ადგილზეც მოეწოდება“.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან