გორში ბავშვს, რომელიც ველოსიპედით მოძრაობდა მანქანა დაეჯახა. შემთხვევა დღეს, 31 მარტს მოხდა. არსებული ინფორმაციით, ბავშვის სიცოცხლეს საფრთხე არ ემუქრება, თუმცა აღენიშნება მოტეხილობა.
როგორც “ნეტგაზეთს” საქართველოს შინაგან საქმეთა სამინისტროში განუცხადეს, მომხდარზე გამოძიება საქართველოს სისხლის სამართლის კოდექსის 276-ე მუხლის მე-2 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.