ლიეტუვის საგარეო საქმეთა სამინისტრო საქართველოში ევროკავშირის მედიაციით მიმდინარე ოპოზიციასა და ხელისუფლებას შორის მოლაპარაკებებში შეთანხმების ვერმიღწევას ეხმაურება და წუხილს გამოთქვამს.
“ვწუხვართ, რომ საქართველოში ევროპული საბჭოს პრეზიდენტის წარმომადგენლის, კრისტიან დანიელსონის ხელმძღვანელობით წარმართულ მოლაპარაკებებში პროგრესი არ არის. ფართო პოლიტიკური კონსენსუსი და ინკლუზიური დიალოგი გასაღებია საქართველოს ევროპული მისწრაფებებისა და დემოკრატიის ხარისხის დასაცავად. მოვუწოდებთ საქართველოს მთავრობას, რომ გადადგას დამატებითი ნაბიჯები კონსენსუსამდე მისასვლელად”, — წერს ლიეტუვის საგარეო საქმეთა სამინისტრო.
Concerned over the lack of progress in negotiations in #Georgia led by @eucopresident envoy @DanielssonEU. Broad political consensus&inclusive dialogue is key to safeguarding ?? EU aspirations and democracy credentials. Call on ?? Government to take extra steps towards consensus.
— Lithuania MFA (@LithuaniaMFA) March 19, 2021
მოლაპარაკებების მედიაციისთვის კრისტიან დანიელსონი საქართველოში 12 მარტს ჩამოვიდა. ერთი კვირის განმავლობაში მან არაერთი ინდივიდუალური შეხვედრა გამართა როგორც ოპოზიციის წარმომადგენლებთან, ასევე, “ქართულ ოცნებასთან”. 17-18 მარტს მედიატორი მხარეებს ერთობლივად შეხვდა, თუმცა მოლაპარაკებები შეთანხმების გარეშე დასრულდა და კრისტიან დანიელსონმა საქართველო დატოვა.