ნეტგაზეთი | ვაშლიჯვარში მეწყრის გამო ევაკუაცია არ იგეგმება — მერია ვაშლიჯვარში მეწყრის გამო ევაკუაცია არ იგეგმება — მერია – Netgazeti
RU | GE  

ვაშლიჯვარში მეწყრის გამო ევაკუაცია არ იგეგმება — მერია

თბილისის მერიის ინფორმაციით, გავრცელებული ინფორმაცია, თითქოს მეწყრის გამო მაჭავარიანის ქუჩის მიმდებარე ტერიტორიიდან (ვაშლიჯვარში) მოქალაქეების ევაკუაცია იგეგმება, სიცრუეა.

„შექმნილია სპეციალური სამუშაო ჯგუფი, რომელიც მუდმივ რეჟიმში აკვირდება მეწყრულ პროცესს, ხოლო მომავალი კვირიდან კვლევის პროცესში უცხოელი ექსპერტებიც ჩაერთვებიან. კვლევისა და მონიტორინგის თითოეულ ეტაპზე საზოგადოებას ოპერატიულად მიეწოდება სრული ინფორმაცია.

უახლოეს დღეებში გატარდება შესაბამისი ღონისძიებები, რათა დროულად აღდგეს ორმხრივი საავტომობილო მოძრაობა და გადაადგილება იყოს უსაფრთხო,“ — ნათქვამია მერიის განცხადებაში.


თბილისში, ვაშლიჯვრისა და ნუცუბიძის დამაკავშირებელ გზაზე, მეწყერი გაჩნდა — ფერდობზე შესამჩნევია დიდი ზომისა და სიღრმის ბზარები.

დედამიწის შემსწავლელ მეცნეირებათა ინსტიტუტისა და სეისმური მონიტორინგის ეროვნული ცენტის დირექტორი, გეოლოგი თეა გოდოლაძე ამბობს, რომ დაძრულია ნახევარი მილიონი კუბური მეტრის მასის მიწა. თუმცა, ამ დროისთვის შეუძლებელია თქმა, რას გაანადგურებს მიწის მასა.

დაძრულია ნახევარი მილიონი კუბური მეტრი მიწა, შეკავება შეუძლებელია — თეა გოდოლაძე

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან