საქართველოს სახელმწიფო ელექტროსისტემის განცხადებით, ქვეყნის ნაწილში ელექტროენერგიის შეწყვეტის მიზეზი ელექტროგადამცემი ხაზის, “მესხეთის” გამორთვაა.
“საქართველოსა და თურქეთის ენერგოსისტემების დამაკავშირებელი 400 კვ-იანი ელექტროგადამცემი ხაზის, „მესხეთის“ გამორთვის გამო, შეწყდა თურქეთიდან ელექტროენერგიის იმპორტი და ენერგომომარაგება შეეზღუდა ქვეყნის უმეტეს ნაწილს.
ამ ეტაპზე ხორციელდება მომხმარებლისთვის ელექტროენერგიის აღდგენა. „საქართველოს სახელმწიფო ელექტროსისტემა” ბოდიშს უხდის მომხმარებელს შეფერხების გამო”, — აღნიშნულია განცხადებაში.
საქართველოს მასშტაბით, არაერთ დასახლებულ პუნქტში, მათ შორის დიდ ქალაქებში, ელექტროენერგიის მიწოდება დღეს, 00:00 საათის შემდეგ შეწყდა.
