აბაშის მუნიციპალიტეტში 55 წლის ქალის გაუპატიურებაში ბრალდებულს ეძებენ. შსს-ში ნეტგაზეთს უთხრეს, რომ დამნაშავის ვინაობა დადგენილია.
ნეტგაზეთს შსს-ში ასევე უთხრეს, რომ გამოძიება სისხლის სამართლის კოდექსის 137-ე მუხლით მიმდინარეობს, რაც ისჯება თავისუფლების აღკვეთით ვადით ექვსიდან რვა წლამდე.
უწყება ასევე დასძენს, რომ სხვა დეტალებზე ჯერ ვერ ისაუბრენ, თუმცა საგამოძებო სამუშაოები მიმდინარეობს.
