ნეტგაზეთი | ჯიბეებიდან რაღაცები ამოიღეს და ისროდნენ – ენმ-ის შტურმისას დაშავებული ქალი ჯიბეებიდან რაღაცები ამოიღეს და ისროდნენ – ენმ-ის შტურმისას დაშავებული ქალი – Netgazeti
RU | GE  

ჯიბეებიდან რაღაცები ამოიღეს და ისროდნენ – ენმ-ის შტურმისას დაშავებული ქალი

მაკა მინდიაშვილი ერთ-ერთია, რომელიც „ნაციონალური მოძრაობის“ ოფისში ჩატარებული საპოლიციო შტურმის დროს დაშავდა. ნეტგაზეთს ის უყვება, რომ დაზიანება თავის არეში მიიღო.

„მესამე სართულზე როდესაც ამოვიდნენ და კარები გაჭრეს, ჩვენ პირველ ხაზზე ვიდექით და ვცდილობთ, რომ არ შემოგვეშვა მამაკაცებთან ერთად ვიყავით.. წინააღმდეგობა გავუწიეთ საკმაოდ დიდი და რამდენიმე „რობოკოპს“ [სპეცრაზმელი]სახეზე ჩაფხუტიც კი გადავაძრეთ და ნიღაბი ჩამოვხსენით.

გვემუქრებოდნენ და უფრო გამწარდნენ ამაზე. რომ ვერაფერს გახდნენ, ამის შემდეგ ამოიღეს ცრემლსადენი გაზი, გაუშვეს, ჩვენ დავიშალეთ იმიტომ, რომ თვალები ძალიან დაგვეწვა და ამ დროს დავინახეთ, რომ ჯიბეებიდან რაღაცები ამოიღეს და ისროდნენ.

მე მივტრიალდი, რადგან მივხვდი, რომ ან თვალებში მომხვდებოდა, ან სახეში. მიტრიალების შემდეგ ვიგრძენი სითბო, ხელი რომ მოვკიდე, ვნახე, რომ ეს სისხლი იყო“ ,- იხსენებს ქალი ნეტგაზეთთან საუბრისას.

ენმ-ს ოფისის შტურმისას დაშავებული მაკა მინდიაშვილი. ფოტო: მიხეილ გვაძაბია/ნეტგაზეთი

ენმ-ს ოფისის შტურმისას დაშავებული მაკა მინდიაშვილის პირბადე. ფოტო: მიხეილ გვაძაბია/ნეტგაზეთი

„ჩემს პირბადეზე საქართველო ხატია, ეს სიმბოლურია, ვინადაინ დღეს ჩვენ გვაქვს სისხლიანი საქართველო“ ,- დასძენს ის.


შსს-მ ნიკა მელიას დასაკავებლად ენმ-ის ოფისის შტურმი დღეს, 23 თებერვლის დილას დაიწყო.

თბილისის საქალაქო სასამართლომ ნიკა მელიას აღკვეთის ღონისძიების სახით 17 თებერვალს პატიმრობა შეუფარდა მას შემდეგ, რაც მელიამ პროტესტის ნიშნად უარი თქვა გირაოს გადახდაზე.

სასამართლოს გადაწყვეტილების შემდეგ მელია სხვა ოპოზიციონერ ლიდერებთან ერთად იმყოფებოდა „ნაციონალური მოძრაობის“ ცენტრალურ ოფისში. მელია აცხადებდა, რომ პოლიციას არ მისცემდა თავისი დაკავების საშუალებას, რადგან უკანონოდ მიიჩნევს როგორც წაყენებულ ბრალდებას, ასევე აღკვეთის ღონისძიების სახედ პატიმრობის შეფარდებას.

შსს-ს ცნობით, ენმ-ის ოფისის შტურმისას 21 ადამიანი დააკავეს, მათ შორის, ბარამიძე

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან