კურიერების საპროტესტო აქციისა და მოთხოვნების წამოყენების შემდეგ, საკურიერო კომპანია „გლოვო“ (Glovo) აცხადებს, რომ კონტრაქტორებთან შეთანხმება მიღწეულია.
„ნეტგაზეთის“ ინფორმაციით, შეთანხმების ძირითადი ასპექტი ყოველ კილომეტრზე 20-ის ნაცვლად 40-თეთრიანი ანაზღაურების ნიშნულზე დაბრუნებაა.
„ჩვენ ვეცადეთ, გაგვეთვალისწინებინა გლოვერების მიერ წინა კვირაში გაჟღერებული მოთხოვნები ისე, რომ არ დაგვეზიანებინა კომპანიის ინტერესები და კონსტრუქციული დიალოგის შედეგად შეთანხმებამდე მივედით“, – წერია კომპანიის მიერ 10 თებერვალს გავრცელებულ განცხადებაში.
განცხადების თანახმად, „გადაიხედა და განახლდა ტარიფების სტრუქტურა“, რადგან „გლოვოსთვის ძალიან მნიშვნელოვანია პარტნიორი ობიექტებისა და პარტნიორი კურიერების კმაყოფილება, მათ სამუშაო პირობებზე, გამომუშვებასა და სხვა ბენეფიტებზე ზრუნვა“.
„ვიმედოვნებთ, აღნიშნული ცვლილებები პოზიტიურ გავლენას იქონიებს გლოვერების გამოცდილებაზე აპლიკაციასთან კავშირისას. Glovo ყოველთვის მზად არის მიიღოს უკუკავშირი პარტნიორებისგან და მასზე შესაბამისი, სწორი რეაგირება მოახდინოს“, – აცხადებენ კომპანიაში.
„გლოვოს“ ათობით კურიერმა 29 იანვარს საპროტესტო აქცია გამართა კომპანიის ოფისთან და სამი ძირითადი მოთხოვნა წამოაყენა:
„გლოვოს“ საიტის თანახმად, „თითოეული შეკვეთიდან შემოსავალი დამოკიდებულია გამოცდილებაზე და რეიტინგზე“. ანაზღაურების დეტალებზე კომპანია, შიდა რეგულაციებიდან გამომდინარე საჯაროდ არ საუბრობს.
როგორც „ნეტგაზეთს“ უამბეს დასაქმებულებმა, კურიერების ანაზღაურების/მუშაობის სქემა, რასაც აპროტესტებდნენ, ასეთი იყო:
რაც შეეხება ლოდინის დროს, კურიერების თანახმად, ლოდინის ხანგრძლივი დრო ობიექტებთან მათთვის პრობლემური, სულ მცირე, ორი მიზეზის გამოა:
„გლოვოს“ მიერ მედიაში 10 თებერვალს გავრცელებული განცხადება არ აზუსტებს შეთანხმების პირობებს, კონკრეტულად რა შეიცვალა სისტემაში.
თუმცა „ნეტგაზეთმა“ დამოუკიდებლად გაარკვია კომპანიის მიერ შეთავაზებული პირობები, რაც ძალაში 8 თებერვლიდან შევიდა.
შესაბამისად, ახალი სტრუქტურით, კურიერის შეკვეთაზე გამომუშავება ასე განისაზღვრა:
„გლოვომ“ კურიერებს ასევე მისცა პირობა, რომ კიდევ უფრო აქტიურად იმუშავებს „ყველა ობიექტთან მაღალი მიტანის დროებით, რომ დროულად დარეგულირდეს და შემცირდეს ობიექტებთან მოცდის დრო“.
ბონუსების სისტემის ცვლილებაზე დაპირებებში არაფერია ნათქვამი.
ოფიციალური შეტყობინების ბოლოს „გლოვომ“ კურიერებს მისწერა, რომ კომპანიაში ყოველთვის მზად არიან, მიიღონ უკუკავშირი და მათთან ერთად განიხილონ „მნიშვნელოვანი საკითხები“, თუმცა იქვე „მკაცრი რეაგირებით“ დაიმუქრა:
„კომპანიის შეფერხებაზე, პარტნიორი ობიექტების, მომხმარებლებისა და კურიერების მიმართ აგრესიის გამოხატვაზე, ცრუ ინფორმაციის გავრცელებასა და პროტესტის გამოხატვისას კომპანიის პროცედურების ან საქართველოს კანონმდებლობის დარღვევაზე მკაცრი რეაგირება მოხდება“.
„ნეტგაზეთმა“ გლოვოს მარკეტინგის სამსახურს ჰკითხა, კანონმდებლობის რომელი ნორმა დაირღვა დემონსტრაციებისას და რა რეაგირება შეიძლება მოჰყვეს ამას მათი მხრიდან, რაზეც გვითხრეს, რომ კომპანია აქცენტს აკეთებდა კომპანიის მუშაობის შეფერხებაზე, რაც, მაგალითად, რამდენიმე დღით ანგარიშის შეჩერებას გულისხმობს.
„ნეტგაზეთის“ კითხვაზე, განიხილება თუ არა რომელიმე „გლოვერთან“ ხელშეკრულების შეწყვეტა, გვიპასუხეს: „სხვადასხვა პუნქტის დარღვევისას ესეც არის გათვალისწინებული, თუმცა ახლა ნამდვილად არ განიხილება არავისთან ხელშეკრულების შეწყვეტა“.
„გლოვო“ ესპანური კომპანიაა, რომელიც 2015 წელს დაარსდა და რომლის ცენტრალური ოფისი ბარსელონაში მდებარეობს. საქართველოში ის 2018 წელს გამოჩნდა.
„გლოვოს“, კურიერების და მათ შორის არსებული შრომითი ურთიერთობის შესახებ დამატებითი დეტალებისთვის გირჩევთ წაიკითხოთ „ნეტგაზეთის“ სტატია: