საქართველოს გასტრონომიის ასოციაციის დირექტორის, ლევან ქოქიაშვილის თქმით, შაბათს რესტორანთა ნაწილი თვითნებურად გაიხსნება.

„სტუმართმასპინძლობის ინდუსტრიის მოლოდინი, სამწუხაროდ, არ გამართლდა, გონივრული გამოსავლის პოვნის ნაცვლად ხელისუფლების წარმომადგენლებთან შეხვედრაც გადაიდო და არ შედგა.

რადგან სხვა გამოსავალს, მიუხედავად დაჟინებული მცდელობისა, ვერ ვხედავთ, გადავწყვიტეთ, შაბათს, 6 თებერვალს, გავხსნათ რესტორნები. აქვე განვმარტავთ, სრულად ვიაზრებთ ჩვენი გადაწყვეტილების ყველა ასპექტს და არც ჩვენთვის გახლავთ ამგვარი გადაწყვეტილების მიღება იოლი “, – წერს ქოქიაშვილი ფეისბუკზე.

ამ ინფორმაციას ასევე ადასტურებს რესტორანთა ასოციაციის დირექტორი, შოთა ბურჯანაძე, თუმცა დამატებით დეტალებზე ჯერ არ საუბრობს.

[მასალა განახლდება]

ეს პირველი შემთხვევა არ არის, როდესაც რესტორანთა და კაფეთა ნაწილი პროტესტის ფორმას მიმართავს. 30 იანვარს თბილისში ათობით რესტორანი და კაფე გაიფიცა და მუშაობა შეწყვიტა.

რა შეზღუდვები იხსნება და რჩება თებერვალ-მარტში