დონალდ ტრამპის მხარდამჭერები, რომლებიც მანამდე კაპიტოლიუმთან საპროტესტო აქციას მართავდნენ, შენობაში შეიჭრნენ.
როგორც CNN წერს, შენობიდან მოქალაქეთა ევაკუაცია მიმდინარეობს და ისინი უსაფრთხო ადგილას გადაჰყავთ.
დაპირისპირების პარალელურად, ვაშინგტონში კომენდანტის საათი გამოცხადდა. ადგილობრივი დროით 18:00 საათის შემდეგ მოქალაქეებს გადაადგილება ეკრძალებათ.
კაპიტოლიუმში სხდომა უნდა გამართულიყო, რა დროსაც საარჩევნო კოლეგიის ხმები უნდა დამოწმდეს. სხდომა დაპირისპირების გამო ჩაიშალა.
Scuffles & violence inside the US Capitol pic.twitter.com/47UCAux3gP
— Firas Maksad (@FirasMaksad) January 6, 2021
მიმდინარე მოვლენებს აშშ-ის მოქმედი პრეზიდენტი, დონალდ ტრამპი ტვიტერზე გამოეხმაურა და მომხრეებს სიმშვიდისა და სამართალდამცველების მხარდაჭერისკენ მოუწოდა.
„გთხოვთ, მხარი დაუჭირეთ პოლიციასა და სამართალდამცველებს. ისინი ნამდვილად ჩვენი ქვეყნის მხარეს არიან. დარჩით მშვიდად!”, – წერს დონალდ ტრამპი
გარეკანი ფოტო: Getty Images
ვაშინგტონში ტრამპის მხარდამჭერებსა და პოლიციას შორის დაპირისპირება მოხდა
