წალენჯიხის მუნიციპალიტეტის სოფელ სქურის ტყეში ფოთლოვანი ტყის ქვედა საფარი ორ კერად იწვის. ინფორმაცია “ნეტგაზეთს” საგანგებო სიტუაციების მართვის სამსახურიდან მიაწოდეს.

ერთი კერა 100 მეტრი სიგრძისაა, მეორე – 200.

“ხანძრის სიახლოვეს არ არის დასახლებული პუნქტი. რთული რელიეფის და ხილვადობის გამო ხანძრის კერამდე სახანძრო ავტო ტექნიკის მიყვანა ვერ ხერხდება”, – ამბობს უწყება.

საგანგებოს ცნობით, მეხანძრე-მაშველებს გადაადგილებიან მოუწიათ ქვეითად.

“ღამის განმავლობაში გაგრძელდება მონიტორინგი, ხილვადობის აღდგენისთანავე განახლდება ქრობის სამუშაოები”, – ამბობენ უწყებაში.

ხანძარზე ინფორმაცია, თავდაპირველად, ჟურნალისტმა ცირა გვასალიამ გაავრცელა, რომელიც მეზობელ სოფელში იმყოფება.

მისი თქმით, ცეცხლი დღეს, 2 იანვარს, 18:00 საათის შემდეგ შენიშნა და 112-ში მალევე, 18:10 საათზე დარეკა.

“მითხრეს, რომ ჰყავთ 8-ტონიანი რეზერვუარიანი მანქანა. ვერტმფრენი – არა”, – აღნიშნავდა ის.