ნეტგაზეთი | ქუთაისში კლინიკიდან დაკარგული კაცი გარდაცვლილი იპოვეს ქუთაისში კლინიკიდან დაკარგული კაცი გარდაცვლილი იპოვეს – Netgazeti
RU | GE  

ქუთაისში კლინიკიდან დაკარგული კაცი გარდაცვლილი იპოვეს

77 წლის ანზორ ლემონჯარია, რომელიც „დასავლეთ საქართველოს სამედიცინო ცენტრიდან“ დაიკარგა, კლინიკასთან ახლოს, ტყეში იპოვეს.

ინფორმაცია ნეტგაზეთს შსს-ში დაუდასტურეს. საქმეზე გამოძიება დაწყებულია სისხლის სამართლის კოდექსის 115-ე მუხლით, რაც თვითმკვლელობამდე მიყვანას გულისხმობს. როგორც წესი, გარდაცვლილის პოვნის შემთხვევაში, შსს ამ მუხლით იწყებს გამოძიებას.

ანზორ ლემონჯარია 27 ნოემბერს კლინიკიდან, დაახლოებით 22:30 საათზე გაუჩინარდა. საავადმყოფოში ამბობენ, რომ მან შენობა უკანა გასასვლელიდან დატოვა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან