ცენტრალური საარჩევნო კომისიის ინფორმაციით, 17:00 საათისათვის საარჩევნო უბნებზე  ამომრჩეველთა 20.74% გამოცხადდა და მიიღო მონაწილეობა საპარლამენტო არჩევნების მეორე ტურში.

ყველაზე მაღალი აქტივობა აჭარის #30 მაჟორიტარულ ოლქში ფიქსირდება: აქ 30 162 მივიდა საარჩევნო უბნებზე. ყველაზე დაბალი აქტივობა ნაძალადევშია.

შედარებისთვის, 2016 წლის საპარლამენტო არჩევნების მეორე ტურზე, 17:00 საათის მდგომარეობით, ამომრჩეველთა 30.99% იყო მისული.

დღეს, 21 ნოემბერს საქართველოს საპარლამენტო არჩევნების მეორე ტური იმართება, თუმცა მას ოპოზიცია ბოიკოტს უცხადებს, რადგან მიიჩნევს, რომ არჩევნები გაყალბდა და ცესკოს ოფიციალური მონაცემი არ ასახავს რეალობას.