ეროვნულმა ბანკმა სავალუტო აუქციონზე 30 მლნ აშშ დოლარი გაყიდა. დღევანდელი ვაჭრობის შედეგად ლარი დოლართან და ევროსთან გამყარდა. აშშ დოლართან 1 თეთრით გამყარების შემდეგ, დოლარის ოფიციალური ღირებულება 3.29 ლარი გახდა. 1.1 თეთრით გამყარდა ლარი ევროსთანაც, შედეგად, ერთი ევროს ოფიციალური კურსი 3.91 ლარია. ნოემბერში ეროვნულ ბანკს სამი ინტერვენციით, ჯამში, 127 მლნ აშშ დოლარი აქვს გაყიდული.
