თურქეთის საგარეო საქმეთა მინისტრი ბაქოს ეწვია. ამის შესახებ მევლუთ ჩავუშოღლუმ საკუთარი Twitter-ის პოსტზე დაწერა.
მისი თქმით, იგი ბაქოში “აზერბაიჯანელი დებისა და ძმების მხარდაჭერისთვის და დახმარების გამოსახატავად ჩავიდა”.
თურქეთის საგარეო საქმეთა სამინისტროს მიერ გავრცელებული ინფორმაციით, დაგეგმილია ჩავუშოღლუსა და პრეზიდენტ ილჰამ ალიევის შეხვედრა, რა დროსაც განიხილავენ მთიან ყარაბაღში მიმდინარე პროცესებს. ასევე, შეხვედრა შედგება აზერბაიჯანის საგარეო საქმეთა მინისტრთან – ჯეიჰუნ ბაირამოვთან.
Can #Azerbaycan’daki kardeşlerimize devletimizin ve milletimizin desteğini ve dayanışmasını göstermek için #Bakü’deyiz. 🇹🇷🇦🇿 pic.twitter.com/Yyp5H0OEaF
— Mevlüt Çavuşoğlu (@MevlutCavusoglu) October 6, 2020
მანამდე, 5 ოქტომბერს მევლუთ ჩავუშოღლუ NATO-ს გენერალურ მდივანს, იანს სტოლტენბერგს შეხვდა, რა დროსაც დიპლომატებმა სირიაში, ლიბიაში, მთიან ყარაბაღსა და ხმელთაშუა ზღვაში შექმნილ ვითარებებზე ისაუბრეს. შეხვედრისას თურქმა მინისტრმა განაცხადა, რომ “თურქეთი საკუთარი ნატოელი მოკავშიირებისგან დახმარებას მოელის ტერორიზმის წინააღმდეგ ბრძოლაში და რომ პარტნიორები არ უნდა უჭერდნენ მხარს ტერორისტულ ორგანიზაციებს”
თურქეთი აზერბაიჯანს კონფლიქტის განახლების დღიდანვე უჭერს მხარს. პრეზიდენტ ერდოღანის განცხადებით, აზერბაიჯანი საკუთარ ტერიტორიებს ათავისუფლებს და ბრძოლა გაგრძელდება მანამ, სანამ გამარჯვებას არ მიაღწევს.