ნეტგაზეთი | ბავშვის მიმართ გარყვნილი ქმედებისთვის გასამართლებული კაცი დააკავეს ბავშვის მიმართ გარყვნილი ქმედებისთვის გასამართლებული კაცი დააკავეს – Netgazeti
RU | GE  

ბავშვის მიმართ გარყვნილი ქმედებისთვის გასამართლებული კაცი დააკავეს

შინგან საქმეთა სამინისტროს ინფორმაციით, დააკავეს ბავშვის მიმართ გარყვნილი ქმედებისთვის გასამართლებული პირი. სასამართლო სხდომის შემდეგ გუშინ, სავარაუდოდ, მიმალვა სცადა.

აღნიშნულ პირს სააპელაციო სასამართლომ 5 წლის ბავშვის მიმართ გარყვნილი ქმედებისთვის 13-წლიანი პატიმრობა მიუსაჯა. შსს-მ დღევანდელ განცხადებაში თქვა, რომ 58 წლის კაცი ლაგოდეხის მუნიციპალიტეტში დღეს, 2 ოქტომბერს დააკავა.

როგორც ნეტგაზეთს დაზარალებული მხარის ადვოკატი, თამარ ლუკავა უყვება, გუშინდელი სხდომა სააპელაციოში დისტანციურად ჩატარდა. თუმცა თავად ბრალდებული არ დასწრებია.

საქმე ის არის, რომ აღნიშნული პირი გურჯაანის რაიონულმა სასამართლომ თავდაპირველად გაამართლა, შესაბამისად, ადვოკატის განმარტებით, მას დასწრების ვალდებულება არ ჰქონდა. თუმცა, მისივე ინფორმაციით, სასამართლოს ბრალდებულის შვილმა შეატყობინა, რომ ტექნიკური ხარვეზის გამო პირი სხდომას ვერ დაესწრებოდა.

სხდომის დასრულების შემდეგ, როდესაც ბრალდებულთან სამართალდამცველები მივიდნენ, ის საცხოვრებელ სახლში არ დახვდათ.

ბავშვთან გარყვნილ ქმედებაში ბრალდებულს სააპელაციომ 13 წელი მიუსაჯა – ადვოკატი

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან