თბილისის მეტროში, საბურთალოს ხაზზე, მოძრაობა დროებით შეფერხებული იყო.
როგორც “ნეტგაზეთს” თბილისის სატრანსპორტო კომპანიაში განუცხადეს, მატარებელს ტექნიკური ხარვეზი ჰქონდა, რამაც “ძაბვის მოხსნა” გამოიწვია. ამის გამო ხაზზე მოძრაობა დროებით შეჩერდა.
როგორც ერთ-ერთმა მგზავრმა “ნეტგაზეთს” განუცხადა, მატარებელი სადგურის მოედანზე დაახლოებით 09:10 საათიდან იყო გაჩერებული, პლატფორმა კი გადატვირთული იყო მომლოდინე მგზავრებით. ისინი მეტროპოლიტენის თანამშრომლებისგან ითხოვდნენ ინფორმაციას, როდის აღმოიფხვრებოდა პრობლემა და აღდგებოდა თუ არა მოძრაობა.
ამ დროისთვის[10:00] საბურთალოს ხაზზე მოძრაობა აღდგენილია.