“თელასის” ინფორმაციით, გადამცემი ხაზების დაზიანების გამო ვარკეთილის 50 ათასამდე მომხმარებელს ელექტოენერგიის მიწოდება შეუწყდა. კომპანიის ცნობითვე, დასახლებებს ელექტრომომარაგება დაახლოებით ორ საათში აღუდგებათ.
“დღეს, 27 ივლისს 11:50 საათზე დაზიანდა 110- კილოვოლტიანი გადამცემი ხაზები „მახათა-1“ და „მახათა-2“. „მახათა-1“-ის გაწყვეტილი სადენები დაეცა „მახათა-2“ გადამცემ ხაზს. ამის გამო ვარკეთილის დასახლების 50 ათასამდე მომხმარებელს ელექტრომომარაგება შეუწყდა.
სს „თელასის“ ტექნიკური სამსახური ახორციელებს ავარიის სალიკვიდაციო სამუშაოებს. მომხმარებლების ელექტრომომარაგება დაახლოებით 2 საათში აღდგება”,-წერია “თელასის” განცხადებაში.