საქართველოში საგანგებო მდგომარეობის ფარგლებში მოქმედი კომენდანტის საათი დასრულდა. 31 მარტს დაწესებული კომენდანტის საათის პერიოდში როგორც მოქალაქეების, ასევე სატრანსპორტო საშუალებების გადაადგილება აკრძალული იყო. მთელი ქვეყნის მასშტაბით კომენდანტის საათი საღამოს 21:00 საათიდან დილის 06:00 საათმდე მოქმედებდა.
„22 მაისის შემდგომ საქართველოს მთელ ტერიტორიაზე არ იქნება საგანგებო მდგომარეობა და კომენდანტის საათი. ეს გულისხმობს იმას, რომ შეზღუდვა იმოქმედებს 22 მაისის 00:00 საათამდე და მოიხსნება 23 მაისს,”-განაცხადა პრემიერის პრესსპიკერმა ირაკლი ჩიქოვანმა.