22 მაისის 10:00 საათის მონაცემებით, უკანასკნელ 24 საათში საქართველოში ახალი კორონავირუსით ინფიცირების 2 ახალი შემთხვევა დაფიქსირდა და დადასტურებულმა შემთხვევებმა 723-ს მიაღწია. ინფორმაცია ამის შესახებ სპეციალურ ვებ-გვერდ stopcov.ge-ზეა განთავსებული.
აგრეთვე, 22 მაისის მონაცემებით, 24 საათში COVID-19-სგან კიდევ 10 პაციენტი გამოჯანმრთელდა.
ახალი კორონავირუსით გამოწვეული ინფექციით საქართველოში 12 ადამიანი გარდაიცვალა.
ამგვარად, აქტიური შემთხვევების რაოდენობა ამჟამად 216-ს უტოლდება.